ابوذيات منوعة

العمر انت ربيعه وانت صيفه
وثلثين العمر ضايع وانتصافه
كلي شوكت نتراهم وانتصافه
ونعيش بلا زعل عيشه هنيه

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا مرك حزن احسة بية

انا بكاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه

عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وأنا تايه بالبريه

جهازي شما اقفلنه يرن بيك
وعيوني لو عمن خويه يرن بيك
دماي واعتقد يمكن يرن بيك
لان دمك بالابهر يجري بيه

جهازك يا بعد جبدي يرن باي
لاني ردت دلالك يره انباي
اذا دمي يره بكلبك يرن باي
سمومك واويرن واقضن عليه
بمحبتك ماأميز شمس من في
وانا بظلمت عيونك صرت منفي
دمدأيدك ابكلبي وشوف من في
غيرك يالتدك ويا سوية